Utengenezaji na Matumizi ya Mboleavunde

Kitabu hiki kinahusu namna ya kutengeneza mboleavunde iliyo nzuri na namna ya kuitumia shambani. Mboleavunde ni mbolea inayotengenezwa na wakulima kutokana na masalia ya mimea na wanyama ambayo yameozeshwa na vidubini vilivyo katika rundo. Rundo hilo ni mchanganyiko wa masalia mengi ya mimea na wanyama na katika mahali padogo ambapo vitu hivyo huoza kwa muda mfupi. Kimuundo, rundo hilo limetengenezwa kutokana na tabaka za vitu vya kuozeshwa, samadi, majivu na udongo.