Ushirika Tanzania

Ushirika Tanzania: Historia na Hatima ya Vyama vya Ushirika na Bodi za Mazao, 1933 – 2010, ni historia ya taasisi mbili kubwa na muhimu nchini, yaani, Vyama vya Ushirika na Bodi za Mazao. Kitabu hiki kimepekua safari ndefu ya taasisi hizi kuanzia mwaka 1933 – 2010. Miaka 77 ya taasisi hizi imekuwa ya misukosuko, migongano baina yao, mafanikio, kufutwa, kuruhusiwa tena na matatizo. Taasisi hizi, hususan, Vyama vya Ushirika, mwanzoni kabisa, 1933, vilianzishwa kuondoa unyonyaji katika sekta ya ununuzi wa kahawa na kuhamasisha kilimo bora cha zao hili. Baadaye vilishughulikia mazao mengine na kuongezewa jukumu la kuhamasisha wananchi kudai Uhuru. Baada ya hapo vikatumika kuendeleza sera ya TANU ya Ujamaa na Kujitegemea. Sasa viko njiapanda. Je, vitaendelea kuwapo au vitajiua? Je, vina kazi tena ya kuendelea kufanya? Soma kitabu ili kupata majibu.