UFAFANUZI WA SHERIA YA KUMILIKI ARDHI VIJIJINI TANZANIA

Ufafanuzi wa Sheria ya Kumiliki Ardhi Vijijini Tanzania ni kitabu kilichoandikwa na mwandishi ambaye ni Mwanasheria, Wakili, Mwalimu na Mwandishi wa vitabu mwenye uzoefu. Kwa kutumia njia ya kuuliza maswali 83 juu ya vipengele mbalimbali vya SHERIA YA ARDHI YA VIJIJI (Sura ya 114 R.E. 2002), mwandishi ambaye ni bingwa wa masuala ya Sheria ya Ardhi nchini Tanzania, anayajibu kama Mwalimu na Wakili kwa ufasaha na Kiswahili rahisi. Ardhi ni rasilimali na msingi mkuu wa maendeleo ya Watanzania. Ni kwenye ardhi wananchi wanapanda mazao, wanafugia, wanachimba madini, wanajenga n.k. Kwa bahati mbaya, ardhi ni rasilimali isiyoongezeka, lakini, wanaoihitaji wanaongezeka kila dakika. Kwa sababu hii, thamani yake inaongezeka wakati wote. Ardhi ni adimu na chanzo kikuu cha uhasama na migogoro. Kwa hakika, hiki ni kitabu muhimu na cha lazima kwa kila Mwanakijiji, Viongozi na Maofisa wa Vijiji, Kata, Wilaya na Wajumbe wa Mabaraza ya Ardhi.