MAZAO YA TANZANIA

Kitabu hiki kinatoa mwanga mpana kuhusu aina mbalimbali za mazao yanayolimwa nchini Tanzania na mchango wake katika uchumi, lishe na maendeleo ya jamii. Aidha, kinachambua kwa kina makundi mbalimbali ya mazao yakiwemo nafaka, mazao ya mizizi na tyuba, maharage na mikunde, mbegu za mafuta, matunda, mbogamboga, njugu, mazao ya vinywaji, viungo, vikolezo na mazao mengine muhimu ya kilimo. Kwa kutumia maelezo yaliyoandaliwa kwa lugha rahisi na mifano inayohusu mazingira ya Tanzania, mwandishi ameonesha umuhimu wa kila kundi la mazao, matumizi yake, maeneo yanayostawi zaidi na mchango wake katika usalama wa chakula, biashara na maendeleo ya taifa. Pia kitabu hiki kina rejea muhimu kwa wanafunzi, walimu, wakulima, maafisa ugani, watafiti, wawekezaji na wasomaji wote wanaotaka kuelewa kwa undani utajiri wa mazao ya Tanzania na nafasi yake katika kujenga uchumi imara na maendeleo endelevu.