MABARAZA NA MAHAKAMA ZA ARDHI TANZANIA

Ardhi ni rasilimali ambayo haiongezeki, lakini, idadi ya watu wa sehemu yoyote inaongezeka kila sekunde. Kwa hiyo, mahitaji ya ardhi yanazidi kuongezeka kila kukicha. Kwa sababu hii, dhuluma na migogoro ni mambo ambayo hayaepukiki. Kwa kutambua ukweli huu, sheria ilitungwa ya kuanzisha Mabaraza na Mahakama za Ardhi. Jukumu lake ni kusikiliza na kuamua mashauri yanayofunguliwa juu ya malalamiko na migogoro ya ardhi nchini. Kwa vile, kila mtu hawezi kukwepa kumiliki kipande cha ardhi maishani mwake, na, kwa hiyo, kujikuta katika uwezekano wa kudhulumiwa au kudhulumu, au kujikuta ndani ya mgogoro wa aina fulani wa ardhi, ni muhimu kukisoma kitabu hiki ili kujifunza namna ya kutetea haki yake katika kipande cha ardhi anachokitumia au unachokimiliki. Hiki ni kitabu cha lazima kwa wananchi wote, viongozi wa ngazi mbalimbali, (wa Vitongoji, Mitaa, Vijiji, Kata, Tarafa, Wilaya na Mikoa), Wajumbe wa Baraza na Mahakama za Ardhi, Wanasheria, Mawakili na Mahakimu nchini.