Changamoto za Maendeleo ya Mkoa wa Kagera

Kitabu hiki ni mkusanyiko wa Hotuba 54 na Salaam 21 za Heri na Baraka za Iddi, Noeli na Mwaka Mpya alizozitoa mwandishi (pichani) alipokuwa Mwenyekiti wa CCM wa Mkoa wa Ziwa Magharibi Kagera kwa vipindi vitano vyenye miaka 25 (1977 – 1997 na 2002 – 2007). Alianza uongozi huo 21/9/1977 akiwa na miaka 34 ya kuzaliwa na kung’atuka 10/9/2007 akiwa na miaka 64. Kipindi cha 1995 – 2000 alikuwa Mbunge wa Jimbo la Ngara. Uongozi wake wa kisiasa ulianzia kwenye Uenyekiti wa Tawi la TANU, 1974 Kitabu hiki si kumbukumbu tu, bali yaliyomo bado yana umuhimu wake, hata sasa utekelezaji wake bado haujakamilika. Kitabu hiki ni rejeo muhimu na ni cha lazima kwa wanasiasa wa nchi hii na Watanzania kwa jumla. Mwandishi ni maarufu nchini kutokana na uongozi wake wa kisiasa wa miaka 33. Ndugu Ngeze anajidhihirisha kitabuni kama mwanasiasa makini na mwenye msimamo usioyumba na mwenye mapenzi makubwa kwa watu wake na nchi yake.